Kvista skiløype til Grindafletane

Frå Fyre i Haugsvik går det kvista skiløype til Grindaflethytta og vidare til Raundalen. Er du heldig kan du sjå villrein på denne turen.

Reinen er ekstra sårbar på seinvinteren når det er lite mat å finne. Vis omsyn til villrein, og hald god avstand til dyra. Viss dei stadig blir skremt av folk på ski brukar dei masse energi på å flykte og får mindre tid til å beite. Stadige forstyrringar kan gjere at dei forlèt området, og slik mistar viktige beiteareal. Dersom du høyrer om rein i området der du tenkjer å gå tur, bør du velje ei anna rute.

Les meir på ut.no

Trygg vinterferdsel

Å traske over kvite vidder eller suse nedover ei fjellside i puddersnø kan vere fantastiske opplevingar, men det er viktig å hugse at fjellet og vintervêret kan vere lunefullt. Her er nokre tips for å sørge for at du får ein trygg tur.

• Vel tur etter form, skiferdigheit og motivasjon. Hugs at ei gruppe ikkje er sterkare enn det svakaste leddet.
• Planlegg turen godt, og sei frå kor du går.
• Veret i vinterfjellet kan skifte brått frå sol til snøstorm. Ha alltid med ekstra klede og sikkerheitsutstyr. Sjekk gjerne DNT sine pakkeliste for topptur og hytte til hytte tur.
• Sjekk snøskredvarselet før du drar på varsom.no.
• Unngå terreng brattare enn 30 grader. Der er snøskredfaren størst. Skal du på tur i ukjent terreng så sjekk brattheitskartet før du drar. 
• Følg alltid fjellvettreglane